Pangenter Baos Purnama Tilem

DUDONAN ACARA PURNAMA TILEM

Ida dane sareng sami titiang nunas uratian, riantukan acara pamuspaan  Purnama ring rahina mangkin Pacang Kakawitin.

Sadurung kamargiang ring unteng acara, ngiring sareng sami  ngaturang puja pangastuti majeng ring Ida Sang Hyang Widhi Wasa,Bhatara Bhatari sane malingga Iriki, dumogi eed acara sane pacang kamargiang malih jebos , mamargi antar maphala sidha sidhaning don malarapan antuk ngaturang pangastungkara

OM SWASTYASTU

·         Majeng ring linggih Dane Jra Mangku lan Jra Dangka sareng sami sane suciang titiang

·         Majeng ring linggih Dane Bendesa Desa Pakraman Kubu kasarengin prajuru desa sami sane baktinin titiang

·         Majeng ring Bapak Kepala Lingkungan sane wangiang titiang

·         Majeng ring kelian-kelian sekaa taler para tokoh masarakat sane wangiang titiang

·         Ring Ida Dane krama Desa sareng sami sane wangiang tur tresnasihin titiang

Inggih,Ida Dane sareng sami acara sane pinih riin inggih punika :

Ngemargiang Kramaning Sembah,

Majeng Ring  Linggih Jra Dangka, mangda ledang ngenter acara kramaning sembah puniki

·         Acara selanturnyane inggih punika , sambrama wacana saking kelian sekaa truna tunggal arsa desa pakraman kubu.

Suksma majeng ring kelian sekaa truna kubu

• Sambrama wacana saking Bendesa Desa Pakraman

Suksma majeng ring Linggih Dane Bendesa Desa Pakraman KUbu

·         Acara selanturnyane inggih punika nunas Tirta Wangsuhpada Ida Bhatara sepisanan titiang pacang muputang acara puniki.

.Manawita ring sajeroning titiang ngenterang acara puniki wenten atur lan paripolah titiang sane nenten manut ring kayun ida dane sareng sami ,titiang nunas geng rena sinampura. puputang titiang  antuk ngaturang parama santhi

OM SANTHI SANTHI SANTHI OM.