Sunday, March 31, 2013

Pangenter Baos acara Pamungkah pawai Ogoh-ogoh


DUDONAN ACARA
Ida dane sareng sami titiang nunas uratian, riantukan acara pawai ogoh-ogoh ring rahina Pangrupukan mangkin jagi kekawitin.
Sadurung kamargiang ring unteng acara, ngiring sareng sami  ngaturang puja pangastuti majeng ring Ida Sang Hyang Widhi Wasa,Bhatara Bhatari sane malingga ring ayun, dumogi eed acara sane pacang kamargiang malih jebos , mamargi antar maphala sidha sidhaning don malarapan antuk ngaturang pangastungkara
OM SWASTYASTU
·         Majeng ring linggih Dane Jra Mangku lan Jra Dangka sareng sami sane suciang titiang
·         Majeng ring Bapak Lurah sane banget Kusumayang titiang

·         Majeng ring linggih Dane Bendesa Desa Pakraman Kubu kasarengin prajuru desa sami sane baktinin titiang

·         Majeng ring bendesa  Banjar Pakraman Tegal suci kasarengin prajuru sane tiosan sane wangiang titiang

·         Majeng ring Bapak Kepala Lingkungan Kubu sane Baktinin titiang

·         Majeng ring bapak kepala lingkungan Tegal suci sane wangiang titiang

·         Majeng ring kelian-kelian sekaa sane wangiang titiang

·         Ring Ida Dane masarakat Kubu taler sekaa truna sareng sami sane wangiang tur tresnasihin titiang

Inggihan eedan acara sane kamargiang mangkin inggih punika:
1.    Atur piuning aking kelian sekaa truna Tunggal Arsa desa pakaraman Kubu
2.    Sambrama wacana saking bendesa banjar pakraman Tegal Suci
3.    Sambrama wacana saking bendesa Desa Pakraman Kubu,
4.    Sambrama Wacana saking Bapak Kepala Kelurahan Kubu

·         Inggih,Ida Dane sareng sami acara sane pinih riin inggih punika :
atur piuning saking kelian sekaa truna tunggal arsa desa pakraman kubu pinaka manggalaning karya.

Suksma majeng ring kelian sekaa truna tunggal arsa desa pakraman kubu



  • Acara selanturnyane inggih punika Sambrama wacana saking Bendesa Banjar Pakraman Tegal suci
Suksma majeng ring linggih dane bendesa banjar pakraman tegal suci

  • Sambrama wacana saking Bendesa Desa Pakraman Kubu
Suksma majeng ring linggih dane bendesa desa pakraman Kubu

  • Sambrama saking Bapak Kepala Kelurahan Kubu
Suksma majeng ring linggih dane Bapak Kepala Kelurahan Kubu

Inggih,wantah asapunika eed acara sane kamargiang mangkin.
Manawita ring sajeroning titiang ngenterang acara puniki wenten atur lan paripolah titiang sane nenten manut ring kayun ida dane sareng sami ,titiang nunas geng rena sinampura. puputang titiang  antuk ngaturang parama santhi
OM SANTHI SANTHI SANTHI OM.



No comments:

Post a Comment