Puisi Bali: Kawidusta

Kawidusta

Kawiswara kocap
Kasub kasumbung ring jagat
Sastra satmaka ajengan sadina-dina
Motah keni tutur ayu
Dados utah

Wangdé kaucap wikan jroning sastra
Ririh, uning daging buana
Nénten kayun ngandap ngasor
Tuara bisa ngajiang kasumekenan anak
Kawi agung marasa gelah
Matah
Durus
Durusang sang maraga wikan mamargi
Anggotama ribumi
Engkig-engkig makta kawisesan
Sami jagi mawali
Tan sida nepasin
Sipta panumaya
Kala Hyang Kala mapag

Alit Joule
Kacang Apit, 2016